ABŞ-ın Mərkəzi Kəşfiyyat İdarəsinin direktoru istefa verdi

20-01-2021, 00:16           
ABŞ-ın Mərkəzi Kəşfiyyat İdarəsinin direktoru istefa verdi
ABŞ-ın Mərkəzi Kəşfiyyat İdarəsinin (MKİ) direktoru Cina Haspel vəzifəsindən istefa verdiyini açıqlayıb.

Teref.az xəbər verir ki, bu barədə onun Mərkəzi Kəşfiyyat İdarəsi tərəfindən tvitterdə yayılmış yazılı bəyanatında deyilir.

"Bu gözəl təşkilata başçılıq etmək mənim həyatımın ən böyük şərəfi oldu. Mən gedirəm və bizim gördüyümüz işlə çox fəxr edirəm, - Haspel qeyd edib.

Haspel 2018-ci ildə Mərkəzi Kəşfiyyat İdarəsinə başçılıq etmiş ilk qadın olub. O, istefasının səbəblərini açıqlamayıb. Qeyd edək ki, "Axios” portalı bundan əvvəl Cina Haspelin ötən il dekabrın əvvəllərində istefaya getməyə hazır olması barədə xəbər yaymışdı.

ABŞ-ın yeni seçilmiş prezidenti Co Bayden MKİ-nin direktoru vəzifəsinə Birləşmiş Ştatların Rusiyadakı keçmiş səfiri Uilyam Bernsin namizədliyini irəli sürmək niyyətində olduğunu bildirib.

Daha əvvəl bildirilirdi ki, ABŞ prezidenti Donald Tramp Mərkəzi Kəşfiyyat İdarəsinin direktoru Cina Haspeli və digər rəsmiləri vəzifələrindən uzaqlaşdıra bilər. Qeyd edilirdi ki, bu, MKİ-nin direktorunun dövlət başçısının ondan istədiyini etməmələri ilə bağlıdır. (Report)шаблоны для dle 11.2












Teref.info © 2015
E-mail: n_alp@mail.ru            Telefon: 051 933 93 21            Baş redaktor: Nurəddin (Xoca) İsmayılov
Məlumat internet səhifələrində istifadə edildikdə müvafiq keçidin qoyulması mütləqdir.
Sayt Webmedia.az tərəfindən hazırlanmışdır.