Düşüncə və siyasətlərində vacib korrektələr aparmaq, əlimizdə olanı saxlamaq haqda fikirləşmək yerinə “uzaqgörənlərimiz” öz keçmişlərinin müdafiəsinin qayğısına qalmaq və çatışmazlıqlara haqq qazandırmaqla məşğuldurlar. Onlar hər şeydən çox öz fantaziyalarına önəm verirlər.

Axar.az xəbər verir ki, bunu Ermənistan prezidentin keçmiş müşaviri Jirayr Liparidyan deyib.

“Ermənistanı və “dağlıq qarabağ”ı (keçmiş və qondarma “dqr” nəzərdə tutulur – red.) gözləyən mümkün bədbəxtliklərin siyahısı hələ tükənməyib. Əgər bu “uzaqgörənlər”in məntiqi yaşasa, bu məğlubiyyət bizim düşüncələrimizdə və siyasətimizdə dominantlıq edəcək. Biz yəqin ki, daha böyük bədbəxtliklərin şahidi olacağıq. Bu anda onlar yenə də özlərindən və öz mentalitetlərindən başqa hər kəsi və hər şeyi bir daha ittiham edəcəklər”, – deyə o bildirib.