ABŞ-ın ikinci ən böyük naziri məlum oldu
9-02-2021, 07:50
ABŞ Konqresinin Senatı namizədliyi bazar ertəsi prezident Cozef Bayden tərəfindən irəli sürülmüş Denis Makdonounu Veteranların işləri üzrə nazir vəzifəsinə təsdiqləyib.
Bu barədə “Report” TASS-a istinadən xəbər verir.
Məlumata görə, onun təyinatına 87 senator səs verib, senatorlardan 7-si qərarın əleyhinə çıxıb.
Əlli bir yaşlı Makdonou yaxın vaxtlarda and içəcək.
O, daha əvvəl ABŞ-ın 44-cü prezidenti Barak Obamanın administrasiyasında Ağ Ev əməkdaşlarının Aparat rəhbərinin postunu tutub. Makdonou həmçinin Obamanın Milli təhlükəsizlik üzrə köməkçisinin müavini olub.
Qeyd edək ki, Veteranların işləri üzrə Nazirlik böyüklüyünə görə ABŞ-da ikinci hökumət idarəsidir.
