ABŞ-ın dövlət katibi Con Kerri Moskva səfərinin əsas məqsədini açıqlayıb. Musavat.com-un məlumatına görə, dövlət katibi Rusiya rəhbərliyi ilə təhlükəsizlik problemlərini, Yaxın Şərqdəki və Ukraynadakı situasiyanı, həmçinin, bir sıra digər mühüm mövzuları müzakirə edəcəyini söyləyib.
“Aydındır ki, biz ən əvvəl Yaxın Şərqi və Ukraynanı müzakirə edəcəyik” – deyib ABŞ xarici siyasət idarəsinin başçısı.
“Bəs Moskva danışıqları zamanı hansısa məxsusi mövzular da diqqət mərkəzində olacaqmı” sualına o, “çoxlu məxsusi mövzular var” deməklə kifayətlənib. Lakin bu zaman Kerri onları konkretləşdirməyib.
Kerrinin Moskvaya səfəri martın 23-də başlayacaq. Hazırda o, ABŞ prezidentini Kuba səfərində müşayiət edir.