Şimali Koreyada Kim Çen Inı təhqir edən qraffiti yazılar aşkarlanıb.

ONN media xəbər verir ki, mübahisəli yazı dekabrın 22-də Pxençon rayonunda mənzilin divarlarında görünüb. Kim Çen Inı təhqir edən sözlərlə yanaşı, “İnsanlar sənin üzündən acından ölür” yazısı diqqət çəkib.

Onlarla məmur yazını yazan şəxsi tapmaq üçün qapı-qapı gəzərək əlyazma nümunələrini toplamağa başlayıb.

Polis isə təhlükəsizlik kameralarını yoxlayır və yerli sakinləri sorğu-sual edir.

Divardakı yazı görünən kimi yerli hakimiyyət orqanları tərəfindən təmizlənib və polis cinayətkarın izinə düşüb. Polis, şəhərin hər yerində quraşdırılmış təhlükəsizlik kameralarından istifadə edərək, şübhəlinin tutulmasının an məsələsi olduğunu bildirib.