İran İnsan Haqları (IHRNGO) qeyri-hökumət təşkilatı çərşənbə günü Sənəndəc mərkəzi həbsxanasında həyat yoldaşını öldürməkdə günahlandırılan 3 iranlı qadının edam olunduğunu açıqlayıb.

Teleqraf.com xəbər verir ki, edam olunanlar arasında “uşaq gəlin” kimi təqdim edilən Şoheylə Abedin də var.

Edam iyulun 27-də icra olunub.

Şoheylə Abedin 26 yanvar 2015-ci ildə ərini qətlə yetirməkdə ittiham olunub.

Məhkəmə qətlin səbəbini ailə münaqişəsi kimi göstərib. Məlumatlı mənbələrə görə, Şoheyla 15 yaşında ailə qurub və 10 il sonra qətl törədib.

Qeyri-hökumət təşkilatının hazırladığı hesabata əsasən, 2010-2021-ci illər arasında İranda 164 qadın edam edilib. 164 qadından 6-nın “uşaq gəlin” olduğu vurğulanıb.

İran qadınların ən çox edam edildiyi ölkələr sırasındadır