Almaniya hökuməti Rusiya Təhlükəsizlik Şurasının sədr müavini Dmitri Medvedevin Berlinə yönəlmiş nüvə raketləri ilə bağlı sözlərini diqqətə alıb.

Azpost.info xəbər verir ki, bu barədə Almaniya Nazirlər Kabinetinin sözçüsü Şteffen Hebeştrayt bildirib.

Onun sözlərinə görə, bu, rusiyalı siyasətçinin ilk təhdidi deyil.

“Bu, ilk təhdid deyil və biz bilirik ki, cənab Medvedev “Tviter”dən nə dərəcədə fəal istifadə edir. Biz bunu diqqətə alırıq”, – o deyib.

Medvedev Qərblə müharibə başlayarsa, Rusiyanın Kiyev, Berlin, London, Vaşinqton və digər şəhərləri vuracağını bildirib. O, Rusiya dövlətinin məhv olmaq təhlükəsi ilə üzləşəcəyi təqdirdə Moskvanın belə bir addım atmağa cəsarətinin çatacağını vurğulayıb.