Qərbi Balkanlarda NATO-nun ilk hava bazası Albaniyada açılıb
Bu barədə NATO-nun saytında məlumat verilib.

Alyansın bəyanatında bildirilib ki, aviabazanın açılışı bazar ertəsi, martın 4-də baş tutub. Albaniyanın paytaxtı Tiranadan 80 km cənubda yerləşən Kuçova şəhərində (1950-1990-cı illərdə bu məntəqə Stalin adlanırdı) köhnə hərbi aerodromun yerində tikilmişdir . Aviabazanın tikintisi üzrə işlərə 2019-cu ildə başlanılıb.

Hesabatda qeyd edilir ki, aviabaza “NATO-nun gələcək hava əməliyyatları üçün ən müasir mərkəzdir”. Onun “Albaniyaya xidmət göstərəcəyi və hərbi bloka logistik dəstək, hava əməliyyatları və təlimlər keçirəcəyi” gözlənilir.

Qeyd olunur ki, bu, Albaniyada NATO-nun ən böyük layihəsidir - təşkilat bazanın modernləşdirilməsini 50 milyon avroya maliyyələşdirib.