Çində qonaq olduqları turizm parkını ziyarət edən 4 ABŞ müəllimi bıçaqla hücuma məruz qalıb.Hücumdan sonra uzun müddət heç bir açıqlama verilməyib, Hadisə ilə bağlı sosial şəbəkələrdəki paylaşımlar da senzuraya məruz qalıb.

Yerli polis idarəsi daha sonra hücumda şübhəli olduğu bildirilən Cui Dapınq adlı şəxsin foto və şəxsiyyət məlumatlarını dərc edib və bütün polis bölmələrinə onun tutulması üçün göstəriş verib.

Kornell Universitetindən verilən açıqlamada Çinin Beyhua Universiteti ilə əməkdaşlıq və mübadilə proqramı çərçivəsində professor-müəllim heyətinin ölkədə qonaq olduqları bildirilib.

ABŞ Dövlət Departamentinin rəsmiləri hadisədən xəbərdar olduqlarını və onu yaxından izlədiklərini bildiriblər.