Rusiya-Ukrayna Müharibəsi Avropadakı hökumətləri müdafiə xərclərini artırmağa təşviq edərkən, Alman silah istehsalçısı “Rheinmetall”, 8,5 milyard avro dəyərində şirkətin tarixində ən böyük sifarişi aldığını açıqladı.

İndex.az xəbər verir ki, “Rheinmetall” tərəfindən edilən açıqlamada şirkətin Almaniya ordusundan 8,5 milyard avro dəyərində artilleriya sursatları sifarişi aldığı bildirilib.

“Qüvvədə olan müqavilə əhəmiyyətli dərəcədə genişləndirilib. Əsas məqsəd Bundesverin (Almaniya ordusu) və onun müttəfiqlərinin ehtiyatlarını artırmaq və Ukraynaya müdafiə kampaniyasına dəstək verməkdir”, – açıqlamada deyilir.