ABŞ-da seçicilərin 46 faizi keçmiş prezidenti Donald Trampı, 45 faizi vitse-prezident Kamala Harrisi dəstəkləyir.

Azpost.info bildirir ki, bu barədə NPR/PBS News/Marist Kollecinin keçirdiyi sorğunun nəticələrində deyilir.

Eyni zamanda, respondentlərin təxminən 9%-i seçimində qərarsız olduğunu bildirib.

Respondentlərin təqribən 90 faizi Baydenin yarışdan çəkilmək qərarının düzgün addım olduğu ilə razılaşıb. Respondentlərin 41 faizi, o cümlədən demokratların 65 faizi bunun partiyanın noyabrda qalib gəlmək şansını artırdığını bildirib.

Sorğu iyulun 22-də qeydə alınmış 1117 seçici arasında keçirilib.

Keçən həftənin sonlarında ABŞ prezidenti Co Bayden yenidən seçilmək istəməyəcəyini bildirib. O, prezidentliyə namizəd kimi hazırda vitse-prezident olan Kamala Harrisin irəli sürülməsini təklif edib.