Malayziya BRİKS-ə qoşulmaq üçün Rusiyaya müraciət edib.

TEREF TASS-a istinadən xəbər verir ki, bu barədə ölkənin Baş naziri Ənvər İbrahim məlumat verib.

“Malayziya BRİKS-ə sədrlik edən Rusiyaya təşkilata üzv olmaq üçün ərizə göndərərək üzv ölkə və ya strateji tərəfdaş kimi iştirak etməyə hazır olduğunu bildirib”, – deyə Baş nazir Ənvər İbrahim qeyd edib.

Ənvər İbrahim Rusiyanın xarici işlər naziri Sergey Lavrovla görüşüb və deyib ki, söhbət əsasən Malayziyanın BRİKS-ə qoşulmaq cəhdi mövzusundan gedir.

Onun sözlərinə görə, bu, "hər iki ölkə üçün əhəmiyyətli potensiala" malik olacaq.