Pilotsuz təyyarələrin məhv edilməsində ABŞ, Böyük Britaniya və İordaniya hərbi təyyarələri xüsusilə mühüm rol oynayıb.
İordaniya Tehranın İsrail ərazisinə gözlənilən zərbəsi fonunda ABŞ, İsrail və İrana xəbərdarlıq edib ki, heç bir tərəfə onun hava məkanından istifadə etməyə icazə verməyəcək. Bu barədə Sky News Arabia öz mənbəsinə istinadən xəbər verib.
Bundan əvvəl İordaniyanın baş naziri Bişer əl-Xasaune aprelin 14-nə keçən gecə İranın İsrailə hücumu zamanı İordaniyanın hava hücumundan müdafiə sistemlərinin krallığın hava məkanında olan "uçan obyektləri" vurduğunu bildirib. The Wall Street Journal yazıb ki, İsrail yalnız ABŞ və ərəb tərəfdaşlarının köməyi sayəsində İranın hücumuna tab gətirə bilib. Qeyd olunub ki, pilotsuz təyyarələrin məhv edilməsində ABŞ, Böyük Britaniya və İordaniya hərbi təyyarələri xüsusilə mühüm rol oynayıb.
"İordaniya Birləşmiş Ştatlar, İsrail və İrana tərəflərdən heç birinə öz hava məkanından istifadə etməyə icazə verməyəcəyi barədə xəbərdarlıq edib", - bəyanatda deyilir.
İyulun 31-də Fələstin HƏMAS hərəkatı hərəkatın Siyasi Bürosunun rəhbəri İsmayıl Haniyənin İranın yeni prezidentinin andiçmə mərasimində iştirak etmək üçün gəldiyi Tehrandakı iqamətgahına hücum nəticəsində öldüyünü elan edib.
Hərəkat Haniyənin ölümündə İsrail və ABŞ-ı günahlandırıb və hücumun cavabsız qalmayacağını bildirib. Pentaqon rəhbəri Lloyd Austin bildirib ki, HƏMAS Siyasi Büro rəhbərinin ölümü və İsrailin bu işə qarışması ilə bağlı deyəcək nəsə yoxdur. İsrail ordusunun nümayəndələri də öz növbəsində Haniyənin öldürülməsi ilə bağlı "mediada yayılan xəbərlərə cavab verməkdən imtina ediblər. HƏMAS Siyasi Bürosunun liderinin öldürülməsi regionda vəziyyəti xeyli gərginləşdirib.