Arxeoloqlar Rusiyanın Novosibirsk vilayətinin Venqerov rayonunda Tai adlı ərazidə minilliklər boyu insan yaşayışını əks etdirən çoxqatlı yaşayış məskəni aşkar ediblər.

Tapıntının unikallığı insanların min illər boyu bu ərazidə davamlı mövcudluğunu əks etdirən mədəni təbəqələrin dəqiq şəkildə stratifikasiyasındadır.

Mütəxəssislərin sözlərinə görə, Tartas çayında su səviyyəsinin tez-tez dəyişməsi nəticəsində yaşayış məskəni gah su altında qalıb, gah da sudan azad olub. Bu, mədəni qalıqlardan ibarət "təbəqə-təbəqə yığılan qatlar" görünüşündə unikal bir strukturun formalaşmasına səbəb olub.