"İndoneziyanın Bali vilayətinin hökuməti xarici turistlər üçün yeni davranış qaydaları ilə bağlı göstərişlər dərc edib".

"Antara" agentliyi xəbər verir ki, bunu Balinin valisi Vayan Koster deyib.

Onun sözlərinə görə, qaydaları pozan əcnəbi turistlər İndoneziya qanun və qaydalarına uyğun olaraq, sanksiyalar və ya məhkəmə prosedurları şəklində sərt tədbirlərə məruz qalacaqlar.

Yeni qaydalar xarici turistlərin xüsusilə müqəddəs və dini yerləri ziyarət edərkən ədəbli geyimdə olmasını tələb edir.

Adanın qonaqlarına zibil atmaq, bulaqları çirkləndirmək və birdəfəlik plastiklərdən istifadə etmək də qadağan edilib.