Böyük Britaniyada avtomobil istehsalı fevral ayında illik bazda 11,6% azalıb.
İqtisadiyyat.az xəbər verir ki, bu barədə Britaniya Motor İstehsalçıları Cəmiyyətinin məlumatında deyilir.

Qeyd edilib ki, Britaniya istehsalçıları fevral ayında keçən ilin eyni dövrü ilə müqayisədə 10 787 ədəd az avtomobil istehsal edib. Belə ki, ölkədə minik avtomobilləri, yük avtomobilləri, taksilər və avtobuslar da daxil olmaqla, ümumi nəqliyyat vasitələri istehsalı fevral ayında illik bazda 11,6 faiz azalıb. Beləliklə, Britaniyada avtomobil istehsalı ardıcıl 12 aydır ki azalır

Avtomobil istehsalının azalması Britaniya və xarici bazarlarda zəifləmə, model dəyişikliyi və istehsal müəssisələrinin strukturunun yenidən qurulması ilə əlaqədar olub.