İraqlı qapıçı Munir Abdilə dəhşətli faciə üz verib.

Qapıçının həyat yoldaşı və 4 uşağı İŞİD qruplaşması tərəfindən öldürülüb.

Munir ailəsiylə əlaqəni təxminən bir il əvvəl itirib. Onun ailəsinin yaşadığı Xoica şəhəri qruplaşma tərəfindən tutulmuşdu. Bir neçə gün əvvəl bu şəhər İŞİD qüvvələrindən azad edilib. Futbolçunun ailəsinin də yer aldığı maşın şəhərdən çıxmaq istəyərkən, İŞİD yaraqlıları tərəfindən vurulub. Nəticədə 26 dinc sakin həlak olub. Onların arasında qapıçının həyat yoldaşı və 4 övladı da var.

İraq Futbol Federasiyası “tvitter” səhifəsində faktı təsdiqləyib. (Publika.az)