İranın on illərdir ABŞ və İsrail kimi nüvə gücləri tərəfindən təhdid altında olmasına və nəticədə onların hücumuna məruz qalmasına baxmayaraq, Rusiya Tehrana Su-35 qırıcıları və ya S-400 hava hücumundan müdafiə sistemləri təqdim etməyib.
Bu sözləri İranın Almaniyadakı keçmiş səfiri və keçmiş nüvə müzakirəçisi Seyid Hüseyn Musəvian deyib.
“Eyni zamanda, Rusiya ABŞ-ın müttəfiqi olan Hindistana 117 ədəd Su-35M və tam texnologiya transferi ilə Su-57-lərin birgə istehsalını təklif etdi. Bu, Moskvanın tənqidi deyil, o öz strateji maraqları çərçivəsində hərəkət edir. Türkiyə (NATO üzvü) və ya Səudiyyə Ərəbistanı (ABŞ-ın müttəfiqi) Su-35, Su-57 və ya S-400 istəsəydi, Rusiya çox güman ki, razılaşardı.
Bəlkə də məhz bu reallıq Tehrana beynəlxalq münasibətləri və milli maraqların əsl mahiyyətini daha yaxşı anlamağa kömək edir”, - o bildirib.