Fransanın cənubunda baş verən yanğın nəticəsində 100-ə yaxın insan xəsarət alıb

10-07-2025, 08:34           
Fransanın cənubunda baş verən yanğın nəticəsində 100-ə yaxın insan xəsarət alıb
Fransanın cənubunda, Le-Pen-Mirabo bölgəsində başlayan və Marselin şimalına qədər yayılan güclü yanğın nəzarət altına alınıb.

Bu barədə BFMTV telekanalı Buş-Dü-Ron departamentinin prefekturasına istinadla məlumat verib.

Məlumata əsasən, yanğın nəticəsində 97 nəfər yüngül xəsarət alıb, onlardan 24 nəfəri, o cümlədən 6 yanğınsöndürən xəstəxanaya yerləşdirilib.

Müvəqqəti yerləşdirmə mərkəzlərinə ümumilikdə 249 nəfər yerləşdirilib.

Yanğın ümumilikdə 750 hektarlıq ərazini əhatə edib. Yanğın səbəbilə 400 nəfər təxliyə olunub. İlkin məlumatlara görə, alov ümumilikdə 71 binaya, o cümlədən 68 yaşayış binasına ziyan vurub, onlardan 10-u tamamilə yanaraq məhv olub.

Qeyd edək ki, bu, son günlər Fransanın cənubunda baş verən yeganə böyük yanğın deyil. Od departamentində, Narbonn yaxınlığında təxminən 2 min hektar sahəni əhatə edən yanğın hələ də söndürülməyib. Ero departamentində isə çərşənbə axşamı başlayan digər bir yanğın nəzarət altına alınıb.












Teref.az © 2015
TEREF - XOCANIN BLOQU günün siyasi və sosial hadisələrinə münasibət bildirən bir şəxsi BLOQDUR. Heç bir MEDİA statusuna və jurnalist hüquqlarına iddialı olmayan ictimai fəal olaraq hadisələrə şəxsi münasibətimizi bildirərərkən, sosial media məlumatlarındanda istifadə edirik! Nurəddin Xoca
Məlumat internet səhifələrində istifadə edildikdə müvafiq keçidin qoyulması mütləqdir.
E-mail: n_alp@mail.ru