Kanada hökuməti xarici polad idxalına tətbiq edilən güzəştləri məhdudlaşdırmaq qərarına gəlib.
İqtisadiyyat.az xəbər verir ki, bu addım yerli istehsalçıları qorumaq və ABŞ-ın tətbiq etdiyi yüksək tariflərdən doğan mənfi təsirləri azaltmaq məqsədi daşıyır.

Baş nazir Mark Karni bildirib ki, azad ticarət razılaşması olmayan ölkələrdən gətirilən polad məhsullarına tətbiq edilən tarif dərəcəsi kvotası sərtləşdirilir. Yeni qaydalara əsasən, ötənilki idxal həcminin əlli faizini keçən bütün əlavə göndərişlərə əlli faiz tarif tətbiq olunacaq.

Rəsmilər qeyd edirlər ki, bu siyasət həm də Kanadanın ticarət təhlükəsizliyini təmin etmək və daxili istehsalın dayanıqlığını qorumaq məqsədi güdür.