Son iki həftə ərzində Finlandiyanın Laplandiya bölgəsi kəskin istilərlə üzləşib. "The Independent"in məlumatına görə, havanın temperaturu mövsümi orta göstəricidən təxminən 10 dərəcə yüksək olub.

Bu barədə "İndependent" məlumat yayıb.

Qeyri-adi soyuq və yağışlı yaz fəslindən sonra, Şimal Qütb Dairəsindən təxminən 500 kilometr cənubda yerləşən region güclü və davamlı isti hava axınlarının təsirinə məruz qalıb.

"Şaxta baba"nın vətəni hesab olunan Rovanyemidə gündəlik maksimal temperatur +29 dərəcəyə yüksəlib ki, bu da bölgə üçün olduqca qeyri-adi hesab olunur.