Əgər Rusiya və ABŞ prezidentləri Vladimir Putin və Donald Trampın Çinə səfərləri eyni şəhərə olarsa, onların görüşünü nəzəri cəhətdən istisna oluna bilməz.
Bakupost.az xəbər verir ki, bu sözləri Rusiya dövlət başçısının mətbuat katibi Dmitri Peskov deyib.
Onun sözlərinə görə, bu məsələ ilə bağlı razılaşdırılmış təmaslar olmadığından görüşə əsaslı hazırlıq aparılmır.
Eyni zamanda, Putin özünün dediyi kimi, Çinə səfərə hazırlaşır:
“Əgər ABŞ prezidenti eyni tarixlərdə Çinə səfər etməyi qərara alarsa, o zaman dövlət başçıları eyni şəhərdə olarsa, təbii ki, nəzəri cəhətdən belə bir görüşü istisna etmək olmaz. Amma hələlik, təkrar edirəm, hazırlıq üçün konkret addımlar atılmır”.