ABŞ Prezidenti Donald Trampın təhlükəsizlik xidməti son sui-qəsd cəhdindən sonra zirehli qolf maşını əldə edib.

Bu barədə "The New York Post" nəşri xəbər verir.

Prezident Tramp həftəsonu Şotlandiyada "Trump Turnberry" qolf meydançasında olarkən 100 faiz zirehlə örtüldüyü bildirilən avtomobil görünüb.

Ekspertlərin fikrincə, yeni zirehli avtomobil Trampın "The Beast" kimi tanınan rəsmi limuzininin nümunəsi əsasında düzəldilib.

Qeyd edək ki, 2024-cü ilin sentyabrında Tramp "West Palm Beach"də qolf oynayarkən ona il ərzində ikinci sui-qəsd cəhdi edilib.

Hüquq-mühafizə orqanları hücum edən şəxsi saxlamağa müvəffəq olub. KİV-in məlumatına görə, o, 58 yaşlı Rayan Uesli Raut olub.

Daha əvvəl isə Donald Tramp iyul ayında hücuma məruz qalmışdı, o zaman o, qulağından yüngül yaralanmışdı.