Rusiyada “Krokus Ekspo” sərgi mərkəzini partlatmağa cəhddə şübhəli bilinən şəxs saxlanılıb.

APA-nın “life.ru”ya istinadən verdiyi məlumata görə, həmin şəxs ifadəsində sərgi mərkəzinə bomba qoymağa cəhd etdiyini təsdiqləyib.

Polisdən bildiriblər ki, o sadəcə icraçıdır və işsiz olduğu üçün buna mükafat qarşılığında razı olub.

“Krokus Ekspo”nun rəhbəri, azərbaycanlı iş adamı Araz Ağalarov isə xüsusi xidmət orqanlarına və əməliyyatçılara müraciət edərək ondan 2 milyon dollar tələb edildiyini bildirib. İstintaqın versiyasına əsasən, mərkəzə bomba qoymaq istəyən şəxslər A. Ağalarova hədə-qorxu gəlməyə çalışıblar. Onlar bombanı tualetə qoymaqla, heç kəsin xəsarət almayacağını düşünüblər.