AzPolitika.info xarici KİV-ə istinadla xəbər verir ki, Amerika Birləşmiş Ştatlarının (ABŞ) yeni Prezidenti Donald Tramp 2017-ci ili özünün Floridadakı iqamətgahında – 800 qonağın əhatəsində keçirəcək. Bu barədə xəbəri cümə günü «The Hill» nəşri yayıb.

Xəbərə görə, həmin axşam məclisində məşhur kino aktyoru Silvestr Stallone və musiqi prodüsseri Kuinsi Cons da iştirak edəcək.

«Mar-a-Laqo» iqamətgahında qonaqlara əvvəlcə kokteylin təklif ediləcəyi planlaşdırılır. Bunun ardınca bayram şam yeməyi, sonra isə rəqslər olacaq.

Trampın arvadı Melaniya və kiçik oğlu Barron da Yeni ili onunla birlikdə qarşılayacaq.