Bu gecə İstanbulda baş verən, 35 nəfərin ölümü, 40-dan çox insanın yaralanması ilə nəticələn terror olayına Avropa Birliyindən də reaksiya gəlib.

Strateq.az xarici mətbuata istinadən xəbər verir ki, Avropa Birliyinin rəsmisi Federika Mogerini baş verənləri pisləyib.

«2017 İstanbulda hücumla başladı. Fikirlərimiz hücumun qurbanları və onların yaxınlarıyladır. Bu faciənin qarşısını almaq üçün səylərimizi davam etdiririk», deyə Mogerini bildirib.

Kanada xarici işlər naziri Stefan Dion İstanbulda baş verən qorxunc hücumda həyatını itirənlərə başsağlığı verdiyini, yaralılara şəfa dilədiyini ifadə edib.