Kanada polisi Calgary aeroportunda uçuşdan əvvəl pilot kabinasında huşunu itirən sərxoş pilotu həbs edib.

Sunwing aviaşirkətinə məxsus təyyarənin heyət üzvləri 37 yaşlı pilotun qəribə davranışını görərək hüquq-mühafizə orqanlarına xəbər veriblər.

“Onlar [pilotun] kürsüdən yıxıldığını gördülər. Bu [təyyarənin] kapitanı idi” – Calgary şəhərinin polis nümayəndəsi deyib.


Polis pilotun qanında alokoqol həcminin maksimal səviyyədən 3 dəfə artıq olduğunu bildirir.

Cancun şəhərinə yollanan təyyarə öz uçuşunu başqa pilotla başa vurub.

Hadisə vaxtı hava laynerinin göyərtəsində 99 sərnişin və 6 heyət üzvü olub.

Sunwing-in nümayəndələri “çox çətin vəziyyətdə” düzgün hərəkət edən heyət üzvlərinə minnətdarlığını bildiriblər.

Aviaşirkət həmçinin hadisəyə görə üzr istəyib.

Pilotun adı məhkəmə prosesinə kimi açıqlanmır.

(bbc azəri)