Paranormal olayların bir qrup tədqiqatçısı iddia edir ki, Perunun Kusko şəhərindəki qazıntılar zamanı yadplanetli məxluqun mumiyalanmış iri ölçülü əli tapılıb.

Moderator.az-ın İsrail mediasına istinadla verdiyi xəbərdə belə deyilir. Bundan əlavə, əlin tapıldığı yerin yaxınlığında uzunsov kəllə də tapılıb.

“Mirror” nəşrinin yazdığına görə, hələlik heç bir tanınmış universitet, yaxud ayrıca alim bu tapıntının məhz yadplanetliyə məxsus olduğunu təsdiqləməyib.Tədqiqatçılardan biri- turist kompaniyasının rəhbəri olan Brayan Fersterin dəvət etdiyi mütəxəssislər əldə hər biri 6 falanqadan ibarət 3 barmaq olduğunu müəyyən ediblər. Rentgen analizi göstərib ki, doğrudan da tapıntı sümük və dəridən ibarət bioloji obyektdir.


Bu günlərdə “yadplanetlinin sümükləri”nin yaşını müəyyən etmək və tapıntının yerdənkənar mənşəli olduğunu dəqiqləşdirmək üçün radio-karbon və DNT analizlərinin də aparılacağı bildirilir.