Azərbaycanın yeni gənclər və idman naziri Fərid Qayıbov 1979-cu il təvəllüdlüdür. Novator.az bildirir ki, o, Nazirlər Kabineti üzvləri arasında ən gənc altı nəfərdən biridir.

Diasporla İş üzrə Dövlət Komitəsinin sədri Fuad Muradov da 1979-cu ildə anadan olub.

Ən gənc hökumət üzvü 1982-ci il təvəllüdlü təhsil naziri Emin Əmrullayevdir.

Əmək və əhalinin sosial müdafiəsi naziri Sahil Babayevlə Dövlət Miqrasiya Xidmətinin rəisi Vüsal Hüseynov 1980-ci ildə doğulub.

Kənd təsərrüfatı naziri İnam Kərimov, nəqliyyat, rabitə və yüksək texnologiyalar naziri Rəşad Nəbiyev, mədəniyyət naziri Anar Kərimov, Dövlət Şəhərsalma və Arxitektura Komitəsinin sədri Anar Quliyev, Xarici Kəşfiyyat Xidmətinin rəisi Orxan Sultanov 1977-ci il, iqtisadiyyat naziri Mikayıl Cabbarov 1976-cı il, Dövlət Turizm Agentliyinin sədri Fuad Nağıyev 1975-ci il, xarici işlər naziri Ceyhun Bayramov və Dövlət Gömrük Komitəsinin sədri Səfər Mehdiyev 1973-cü il, Qida Təhlükəsizliyi Agentliyinin sədri Qoşqar Təhməzli və səhiyyə naziri səlahiyyətlərini icra edən Teymur Musayev 1970-ci il təvəllüdlüdür.

Digər hökumət üzvlərinin doğum tarixi belədir:

baş nazirin birinci müavini Yaqub Eyyubov – 1945-ci il

baş nazirin müavini Əli Əhmədov – 1953-cü il

Dini Qurumlarla İş üzrə Dövlət Komitəsinin sədri Mübariz Qurbanlı – 1954-cü il

ədliyyə naziri Fikrət Məmmədov – 1955-ci il

baş nazir Əli Əsədov – 1956-cı il

müdafiə sənayesi naziri Mədət Quliyev; Dövlət Təhlükəsizliyi Xidmətinin rəisi Əli Nağıyev – 1958-ci il

müdafiə naziri Zakir Həsənov – 1959-cu il

fövqəladə hallar naziri Kəmaləddin Heydərov; maliyyə naziri Samir Şərifov – 1961-ci il

Qaçqınların və Məcburi Köçkünlərin İşləri üzrə Dövlət Komitəsinin sədri Rövşən Rzayev; Ailə, Qadın və Uşaq Problemləri üzrə Dövlət Komitəsinin sədri Bahar Muradova – 1962-ci il

Səfərbərlik və Hərbi Xidmətə Çağırış üzrə Dövlət Xidmətinin rəisi Arzu Rəhimov – 1964-cü il

baş nazirin müavini Şahin Mustafayev; Dövlət Statistika Komitəsinin sədri Tahir Budaqov – 1965-ci il

ekologiya və təbii sərvətlər naziri Muxtar Babayev; Dövlət Sərhəd Xidmətinin rəisi Elçin Quliyev – 1967-ci il

daxili işlər naziri Vilayət Eyvazov – 1968-ci il

energetika naziri Pərviz Şahbazov – 1969-cu il.