General Rasim Musayevin 1992-ci il VİDEOSU üzə çıxdı
1-04-2017, 10:02
2015-ci ildə dünyasını dəyişmiş general Rasim Musayevin Qarabağ savaşında iştirakını əks etdirən videogörüntülər yayılıb.
teref.az xəbər verir ki, görüntülər R.Musayevin Tərtər batalyonu tərkibində döyüşdüyü dövrdə çəkilib.
Qeyd edək ki, Rasim Musayev 10 iyun 1960-cı ildə Tərtər rayonunda anadan olub. Əslən Göyçə mahalının Kiçik Məzrə kəndindəndir.
Rasim Musayev Binəqədi Rayon Polis İdarəsi rəisinin birinci müavini, Daxili İşlər Nazirliyi İctimai Təhlükəsizlik İdarəsinin şöbə rəisi, Sabunçu Rayon Polis İdarəsi 15-ci polis bölməsinin rəisi, 2005-2007-ci illərdə Cəlilabad Rayon Polis Şöbəsinin rəisi, 2007-2013-cü illərdə isə Gəncə Şəhər Polis İdarəsinin rəisi vəzifələrində çalışıb.
Rasim Musayevə 2011-ci ildə Azərbaycan prezidenti İlham Əliyevin sərəncamı ilə polis general-mayoru ali xüsusi rütbəsi verilib.
2013-cü il yanvarın 21-də Rasim Musayev daxili işlər nazirinin əmri ilə Gəncə Şəhər Baş Polis İdarəsinin rəisi vəzifəsindən öz xahişi ilə azad edilib.
2013-cü ilin fevral ayının 2-də Daxili İşlər Nazirliyinin Daxili Təhqiqatlar İdarəsinin rəisi təyin edilib.
3 sentyabr 2015-ci ildə ürək tutmasından vəfat edib.
Turkustan.info-ya istinadən sözügedən videonu təqdim edirik:
