Altı ay öncə itkin düşən 1991-ci il təvəllüdlü Xumar Sadıqova tapılıb.

Bu barədə “Qafqazinfo”ya onun yaxınları məlumat veriblər.

Tovuz rayonunda anadan olan gənc ana ötən ilin sentyabr ayından itkin düşüb. Polisin bu aylar ərzində axtarışları nəticə verməyib. Dünən X.Sadıqovanın yaxınları mediaya onun fotosunu göndərərək elan veriblər.
Onun qohumu Famil Xalıqov “Qafqazinfo”ya açıqlamasında qeyd edib ki, X.Sadıqova 2015-ci ilin sentyabr ayında Xətai rayonunda yaşadığı mənzildən çıxıb gedib və bir daha geri qayıtmayıb: “Azyaşlı övladı İsmayıl anasının yolunu gözləyir”.

Xumar Sadıqovanın fotosu yayıldıqdan sonra onu görənlər polisə zəng edib məlumat veriblər. Famil Xalıqov deyib ki, qadın artıq evə gətirilib.