Almaniyanın kənd təsərrüfatı naziri Aloys Rayner potensial müharibə vəziyyətində konservləşdirilmiş ravioli və mərci ehtiyatı yaratmağa çağırıb.

Oxu.Az xəbər verir ki, bu barədə "The Washington Post" məlumat yayıb.

Nazir bildirib ki, onun üçün ərzaq təhlükəsizliyi ölkənin mümkün münaqişəyə hazırlanmasında hərbi texnikanın tədarükündən heç də az rol oynamır.

Rayner ölkəni yeni konserv məhsulları ilə təmin etmək üçün plan təklif edib. O bildirib ki, təklif büdcəyə 90 milyon avroya başa gələcək.

Eyni zamanda, nazir qeyd edib ki, ehtiyatlar təkcə mümkün hərbi münaqişələr zamanı deyil, həm də təbii fəlakətlər və ya atom elektrik stansiyalarında qəzalar kimi gözlənilməz vəziyyətlər zamanı lazımdır.