Krasnodar diyarında “Uşaqlıq İmperiyası” uşaq bağçasının müdirinə qarşı “Azyaşlıya işgəncə verilməsi” maddəsi ilə cinayət işi başlanıb.

Bu barədə rayon prokurorluğunun mətbuat xidməti məlumat yayıb.

Sosial şəbəkələrdə yayılan videogörüntülərdə qadın müəllimlərin uşaqları təhqir edərək döymələri əks olunub.

“İlkin istintaq çərçivəsində uşaq müəssisəsinin əməkdaşları tərəfindən yetkinlik yaşına çatmayanlara qarşı fiziki güc tətbiq etmə faktını təsdiq edən videoyazı götürülərək araşdırılır”, - deyə şöbədən bildirilib.

Eyni zamanda, hüquq-mühafizə orqanlarındakı mənbənin məlumatına görə, Soçi şəhərindəki bu hadisə 2021-ci ilin fevralında baş verib, lakin video şəbəkələrdə yalnız indi yayılıb.

Qeyd olunub ki, videodakı uşaqlarda müxtəlif patologiyalar var.


Mənbə: gazeta.ru