Azərbaycan qırıcıları Qarabağ səmasına qaldırdı - Uçuşlarda 12 təyyarə və 41 helikopter iştirak edir

13-07-2016, 14:33           
Azərbaycan qırıcıları Qarabağ səmasına qaldırdı - Uçuşlarda 12 təyyarə və 41 helikopter iştirak edir
Bu gün Azərbaycan Hərbi-Hava Qüvvələri cəbhə xəttinin bilavasitə yaxınlığında təlim-məşq uçuşlarına başlayıblar. ANS PRESS-in məlumatına görə, bu barədə Ermənistan mətbuatı ölkənin Müdafiə Nazirliyinə istinadən xəbər verib.

“Uçuşlar cənub-şərq istiqamətinin 30 km məsafəsində yerinə yetirilib. Saat 11:00-a olan vəziyyətə görə, uçuşlarda 12 təyyarə və 41 helikopter iştirak edir”, - deyə məlumatda bildirilib.

Azərbaycan Müdafiə Nazirliyi bu barədə ətraflı məlumatın veriləcəyini bildirib.

Azərbaycan Silahlı Qüvvələrinin 2016-cı il üçün hazırlıq planına uyğun olaraq iyunun 19-dan 24-dək qoşunların idarəetmə orqanları, eləcə də birlik, birləşmə və hərbi hissələrin iştirakı ilə operativ-taktiki təlimlər keçirilib.

Müdafiə Nazirliyindən ANS PRESS-ə verilən məlumata görə, nüdafiə naziri general-polkovnik Zakir Həsənovun rəhbərliyi altında keçirilən təlimlərə 25000 nəfərədək şəxsi heyət, 300-dən çox tank və zirehli döyüş maşını, 100-dən artıq raket və artilleriya qurğusu, 40-dək hərbi aviasiya və 30-dan çox hava hücumundan müdafiə sistemləri, Hərbi Dəniz Qüvvələrinin gəmi birləşməsi və Xüsusi Təyinatlı Qüvvələrin bölmələri cəlb olunub.












Teref.az © 2015
TEREF - XOCANIN BLOQU günün siyasi və sosial hadisələrinə münasibət bildirən bir şəxsi BLOQDUR. Heç bir MEDİA statusuna və jurnalist hüquqlarına iddialı olmayan ictimai fəal olaraq hadisələrə şəxsi münasibətimizi bildirərərkən, sosial media məlumatlarındanda istifadə edirik! Nurəddin Xoca
Məlumat internet səhifələrində istifadə edildikdə müvafiq keçidin qoyulması mütləqdir.
E-mail: n_alp@mail.ru