“Zaman-Azərbaycan” qəzetinin təsisçiləri qəzetin və “Zaman.az” saytının bağlanma səbəbi ilə bağlı bəyanat yayıblar.
Axar.az xəbər verir ki, təsisçilər Anar Qaraxançallı, Ürfan Məmmədli və Pənah Abdurahmanlının yaydığı bəyanatda deyilir:
“Son günlərdə regionumuzda baş verən hadisələr və bu olayların həssaslığının Türkiyə-Azərbaycan dostluq və qardaşlağına təsir edə biləcəyini nəzərə alaraq, biz – “Zaman-Azərbaycan” qəzetinin təsisçiləri ictimaiyyətin nəzərinə çatdırırıq ki, Azərbaycan dövlətinin və dövlətçiliyinin yanında olduğumuzu bir daha nümayiş etdirərək bu gündən “Zaman-Azərbaycan” qəzetinin və “Zaman.az” saytının fəaliyyətini dayandırmaq qərarına gəlmişik”.