Dağıdıcı tornado ABŞ-nin Ohayo ştatındakı “Rayt-Patterson” aviabazasını vurub, onun obyektlərinə və orada yerləşən Milli Hərbi Hava Qüvvələri (HHQ) Muzeyinə ciddi ziyan dəyib.

Bu barədə bazanın komandanlığı məlumat yayıb.

“Rayt-Patterson”da silah sistemlərinin tədqiqi, inkişafı, əldə edilməsi, sınaqdan keçirilməsi və texniki xidmətinə nəzarət edən HHQ-nin maddi-texniki təchizatı komandanlığın qərargahıdır.

Baza komandiri polkovnik Travis Pond bildirib ki, onlar dağıntıları və yolları yıxılan ağaclardan təmizləyir və dəymiş ziyanı qiymətləndirirlər.
Ölən və yaralananlar barədə məlumat yoxdur.


Mənbə: interfax.ru