Böyük Britaniyanın Kensinqton sarayı Uels şahzadəsi Keyt Middltonun komada olması ilə bağlı şayiələrə münasibət bildirib.

Bundan əvvəl şahzadənin pərəstişkarları onun ağır xəstə və ya komada olduğundan şübhələnməyə başlamışdılar.

“Bu, tamamilə uydurmadır və mən hələ bunu nəzakətli şəkildə deyirəm”, - şahzadənin nümayəndəsi şərh edib.

Qeyd olunur ki, saray artıq ikinci dəfədir ki, Keyt Middltonun xəstəliyi ilə bağlı şayiələri təkzib edir.
Xatırladaq ki, fevralın əvvəlində də mətbuat katibi onun komada olması ilə bağlı iddiaların həqiqətə uyğun olmadığını vurğulayıb.

Mənbə: Voyager