Rusiyanın Tula vilayətindəki “Plastik” zavodunda güclü yanğın hadisəsi baş verib.

Gununsesi.info xəbər verir ki, bu barədə telegram kanalları məlumat yayıb.

Bildirilir ki, Uzlovaya şəhərində tikilməkdə olan sexdə yanğın baş verib.

Tüstüsü bir neçə kilometr məsafədən görünən yanğın sahəsi isə 2000 kv.metrə çatıb.

Hadisə yerində 50 mütəxəssis və 18 texnika işləyir.

Məlum olub ki, yanğın binanın zirzəmisində olub. Artıq yanğın söndürülüb.

Ölənlər barədə isə hələ ki, məlumat yoxdur.