İsrail Müdafiə Qüvvələri (IDF), Kəşfiyyat İdarəsi, Milli Təhlükəsizlik Agentliyi və Cənub Komandanlığının keçirdiyi əməliyyatda altı HƏMAS dəniz komandosu öldürülüb.

"Unikal" xəbər verir ki, bu barədə İsrail ordusu məlumat yayıb.

"Öldürülən terrorçular Dəmir Qılınclar Müharibəsi zamanı İsrailin mülki əhalisinə və təhlükəsizlik qüvvələrinə qarşı dənizdə terror hücumları planlaşdırıblar. Öldürülən terrorçulardan bir neçəsi oktyabrın 7-də vəhşicəsinə qətliamın planlaşdırılmasında iştirak edib", - məlumatda deyilir.

İsrail ordusu hazırda HƏMAS-ın dəniz qüvvələrinə qarşı hərbi əməliyyatlar aparır. İsrail ordusu döyüş gəmiləri, silah anbarları və HƏMAS-la əlaqəli digər aktivlər də daxil olmaqla "çoxsaylı terror hədəflərini" bloklayır.