Bakının Nəsimi rayonunda bir müddət əvvəl açılmış “Heydər məscidi”nin yaxınlığında əkilən şam ağacları boy vermədən quruyub.

Ağaclara lazımi şəkildə qulluq edilməməsi və vaxtında suvarılmaması onların məhvi ilə nəticələnib. Həmin ağaclar Cavadxan küçəsində yol boyunca əkilmişdi.

Virtualaz.org saytının müxbiri yanmış ağacları lentə almışdı. Ağacların fotosu çəkiləndən bir müddət sonra onlar yerindən çıxarıldı. Daha bir müddət sonra isə buradakı qurumuş ağaclar yeniləri ilə əvəz edildi.

Həmin ərazidəki yaşıllıqlara xidmət edən MİS işçilərindən biri müxbirimizə demişdi ki, burada ağacların suvarılmasına imkan və şərait olmadığından onlar quruyub.

Belə şəraitdə yenidən bu ağacları əkmək nəyə xidmət edir? Artıq bir dəfə baxımsızlıqdan qurumuş ağacların “xələf”ini hansı tale gözləyir? Gözləyək..




.