Rusiyada mənzildə qumbara partlayıb.

"Report" bu ölkənin mətbuatına istinadən xəbər verir ki, hadisə Buryatiyada, Ulan-Ude şəhərində baş verib.

Buryatiyanın Daxili İşlər Nazirliyindən verilən məlumata görə, hadisəyə səbəb qumbara ilə ehtiyatsız davranma olub.

Bildirilir ki, əvvəllər də ağır cinayətlərə görə məhkum edilmiş şəxslərdən biri mənzildə qumbaranı əlinə götürüb və onunla ehtiyatsız davranıb. Nəticədə partlayış baş verib.

Hadisə zamanı 1 nəfər ölüb, daha 1 nəfər xəsarət alıb. Yaralı xəstəxanaya yerləşdirilib.

Hadisənin səbəbi və başvermə şəraiti araşdırılır.