“Fənərbaxça” və “Qalatasaray” qələbə qazanıb, Özilin debütü uğurlu, Kocamanın uğursuz alınıb
3-02-2021, 07:22
Türkiyə Super Liqasında XXIII tura start verilib.
Apasport.az saytının məlumatına görə, ilk gündə 3 oyun keçirilib.
Ötən turda liderliyi ələ keçirən “Fənərbaxça” “Hatayspor”un qonağı olub. Məsut Özilin son 15 dəqiqədə debüt etdiyi matçda “sarı-lacivərdlilər” minimalhesablı qələbəyə sevinib.
Baş məşqçi dəyişikliyinə gedən çempion “Başakşəhər” Aykut Kocamanın rəhbərliyi altında çıxdığı ilk görüşündə səfərdə “Qalatasaray”a böyük hesabla məğlub olub. “Cim-bom”un yeni transferi olan misirli Mustafa Məhəmməd debütünü qolla qeyd edib.
“Rizəspor”la “Kasımpaşa”nın dueli isə sülhlə nəticələnib.
Qeyd edək ki, turun digər oyunları 3-4 fevralda keçiriləcək.
Türkiyə Super Liqası
XXIII tur
2 fevral
“Hatayspor” – “Fənərbaxça” – 1:2
Bupendza, 90 – Tiam, 26, Billonq, 88
“Qalatasaray” – “Başakşəhər” – 3:0
Onyekuru, 45, Donk, 64, Məhəmməd, 90 (pen.)
“Rizəspor” – “Kasımpaşa” – 1:1
Doğan Ərdoğan, 85 – Telin, 90+1
