11 iyunda başlayacaq Avropa Futbol Çempionatı ərəfəsində “TurStat” idman və turizm portalı, “Radisson Hotel Group” ilə birlikdə AVRO-2020-nin turistlər tərəfindən populyar olan şəhərlərinin reytinqini təqdim edib.

Demokrat.az xəbər verir ki, siyahıya əsasən AVRO-2020 turistləri üçün şəhərlər arasında ilk üçlüyə Sankt-Peterburq, Bakı və Budapeşt daxil olub.

Sankt-Peterburqda AVRO-2020-nin yeddi oyunu, Bakı və Budapeştin isə hər birində dörd görüş keçiriləcək. Rusiyalı turistlərin Azərbaycana və Macarıstana girişinə icazə verilir.

UEFA-nın tələbinə görə AVRO-2020-nin Sankt-Peterburq və Bakıda keçiriləcək oyunlarına stadion tutumunun 50%-nə qədər (31 min nəfərə qədər), Budapeştdə isə 100% (61 min nəfər) icazə verilir.

Qeyd edək ki, qitə birinciliyi 11 iyundan 11 iyul tarixinədək Avropanın 11 şəhərində keçiriləcək.