Futbolçuya banan atdılar, FİFA araşdırma başlatdı

29-09-2022, 12:14           
Futbolçuya banan atdılar, FİFA araşdırma başlatdı
FİFA Rişarlisona banan atılması ilə bağlı araşdırmaya başlayıb.

İnsident sentyabrın 27-də Fransa paytaxtındakı “Park de Prens” arenasında keçirilən Tunis və Braziliya yığmaları arasındakı yoldaşlıq oyunu zamanı baş verib.

Vurduğu qolu bayram edən “Tottenhem” və Braziliya millisinin hücumçusu Rişarlison meydanın sağ küncündən bayraq tərəfə qaçıb və bu zaman onun istiqamətində tribunalardan banan atılıb.

“FIFA irqçiliyin və zorakılığın istənilən formasını qətiyyətlə pisləyir, futbolda bu cür davranışa sıfır dözümsüzlük mövqeyindən çıxış edir. FİFA Parisdə dünənki oyunda baş verən insidenti araşdırır”, - deyə qurumdan yayılan məlumatda bildirilib.

Qeyd edək ki, Rişarlisonun vurduğu qol Braziliya seçməsinin ikinci qolu olub. Oyun 5-1 cənubi amerikalıların xeyrinə başa çatıb.

Mənbə: sports.ru












Teref.az © 2015
TEREF - XOCANIN BLOQU günün siyasi və sosial hadisələrinə münasibət bildirən bir şəxsi BLOQDUR. Heç bir MEDİA statusuna və jurnalist hüquqlarına iddialı olmayan ictimai fəal olaraq hadisələrə şəxsi münasibətimizi bildirərərkən, sosial media məlumatlarındanda istifadə edirik! Nurəddin Xoca
Məlumat internet səhifələrində istifadə edildikdə müvafiq keçidin qoyulması mütləqdir.
E-mail: n_alp@mail.ru