PSJ-nin futbolçusu Neymar 1 milyon dollar cərimələnə bilər.

Buna braziliyalı forvardın ölkəsində icazəsiz malikanə tikdirməsi səbəb olub. Neymarın Rio-de-Janeyrodan 130 kilometr aralıdakı villası ətraf mühitin mühafizəsi orqanlarının icazəsi olmadan tikilib. Bu barədə şəhər meriyası məlumat yayıb.

Səlahiyyətlilər “müxtəlif ekoloji pozuntular”, o cümlədən, su yolunun dəyişdirilməsi və suyun icazəsiz çaydan kənara çıxarılması faktını da aşkar ediblər. Onlar həmçinin, icazəsiz qazıntı işlərini, torpaq, daş və qayaların qazılmasını, icazəsiz çimərlik qumundan istifadəni qeydə alıblar.
Malikanə ətrafına baxış zamanı Neymarın atası da hadisə yerində olub. O, məmurlarla mübahisə edib.