Moskvada bütün futbol matçları təxirə salınıb.

Publika.az xəbər verir ki, Moskva Futbol Federasiyası antiterror əməliyyatlarının başlaması ilə bağlı belə qərar verib:

“Şəhər merinin qərarına əsasən, Moskvada bütün kütləvi tədbirlər ləğv edilib. Moskva Futbol Federasiyasının bayrağı altında keçirilən bütün yarışlar növbəti qərara qədər təxirə salınır”.

Qeyd edək ki, Rusiya Premyer Liqası komandaları arasında ilk rəsmi görüş iyulun 15-də Kazanda olmalı idi. Superkubokda ÇSKA və “Zenit” üz-üzə gələcəkdi. Rusiya çempionatında yeni mövsüm iyulda başlayacaq.