"Mançester Yunayted"in qapıçısı Andre Onana ciddi zədə alıb.

Bizim.Media xəbər verir ki, bu barədə “The Telegraph” nəşri məlumat yayıb.

29 yaşlı futbolçu komandanın yay təlim-məşq toplanışı zamanı dizaltı vətərində problem yaşayıb və bu səbəbdən 6-8 həftə yaşıl meydanlardan uzaq qalacaq.

Mançester təmsilçisi bu vəziyyət fonunda yeni qapıçı transferini gündəmə gətirib. Klubun rəhbərliyi bazarda alternativ variantlar üzərində işləyir.

Qeyd edək ki, Onana ötən mövsüm “Mançester Yunayted”in heyətində 50 oyuna çıxıb, bu matçların 11-də qapısını toxunulmaz saxlayıb. Onun klubla hazırkı müqaviləsi 2028-ci ilin yayına qədər qüvvədədir.