"Qəbələ"nin qələbə qolunun müəllifi: "Milliyə dəvət etsələr, sevinəcəyəm"

21-08-2017, 08:43           
"Qəbələ"nin qələbə qolunun müəllifi: "Milliyə dəvət etsələr, sevinəcəyəm"
"Sumqayıt"la Azərbaycan Premyer Liqasının II tur matçında vurduğu qolla "Qəbələ"yə minimal hesablı qələbə qazandıran Tellur Mütəllimov oyundan sonra jurnalistlərin suallarını cavablandırıb. "Report" həmin müsahibəni təqdim edir...
- Qələbə qolunun müəllifi oldunuz. Təəssüratlarınız necədir?
- "Qələbə"də payım olduğu üçün çox sevinirəm. Bu mövsüm ilk oyunum idi. Bundan sonra da fürsətlərdən istifadə etməyə çalışacağam.
- İlqar Qurbanovun gəlişindən sonra az şans qazanırsınız. Hərçənd, ötən mövsüm daim start heyətində yer alırdınız...
- Zədəli idim. Həm də qərarı baş məşqçi verir. Zədəyə görə bir qədər geri qaldığımı da vurğulamalıyam.
- “Qəbələ”nin çempionatdakı şanslarını necə qiymətləndirirsiniz?
- Çempionat yeni başlayıb, bizi uzun marafon gözləyir. Çox çətin keçəcək. Komandaların hamısı güclüdür. Ötən il belə deyildi, bir neçə zəif klub vardı. Bu il isə hamı başağrısı olacaq.
- “Qarabağ”dan sonra “Qəbələ”nin çempionluq yolunda əsas rəqibləri hansı komandalardır?
- Hamısı.
- Robert Prosineçkidən milliyə dəvt gözləyirsiniz?
- Qətərlə oyuna çağırmışdılar. Yenə dəvət etsələr, sevinəcəyəm. Əks halda, şansımı gözləyəcəyəm.
- Növbəti tur “Qarabağ”la qarşılaşacaqsınız...
- “Qarabağ” güclü komandadır. Biz də yaxşı hazırlaşacağıq.












Teref.az © 2015
TEREF - XOCANIN BLOQU günün siyasi və sosial hadisələrinə münasibət bildirən bir şəxsi BLOQDUR. Heç bir MEDİA statusuna və jurnalist hüquqlarına iddialı olmayan ictimai fəal olaraq hadisələrə şəxsi münasibətimizi bildirərərkən, sosial media məlumatlarındanda istifadə edirik! Nurəddin Xoca
Məlumat internet səhifələrində istifadə edildikdə müvafiq keçidin qoyulması mütləqdir.
E-mail: n_alp@mail.ru