Dünən Bakı metropoliteninin "Əhmədli" stansiyasında özünü qatarın altına ataraq intihar edən 34 yaşlı Qoşqar Aşurovun bu əməli borca görə törətdiyi məlum olub. Lent.az-ın məlumatına görə, Q.Aşurovun hər hansı banka və ya kredit təşkilatına deyil, tanışlarından birinə 1200-1500 manat miqdarında borcu olub. Son vaxtlar işsiz qalan Qazax sakini həmin pulu toplayıb qaytarmaqda çətinlik çəkirmiş və nəhayət intihara əl atıb.


Q.Aşurov daha əvvəl fəhləçiliklə ailəsini dolandırırmış.


Faktla bağlı Cinayət Məcəlləsinin 125-ci (özünü öldürmə həddinə çatdırma) maddəsi ilə iş başlanılıb, araşdırmalar aparılır.