Surətçıxarma qurğusundan heroin çıxdı - FOTOLAR

19-03-2016, 13:55           
Surətçıxarma qurğusundan heroin çıxdı - FOTOLAR
Biləsuvar Gömrük İdarəsinin “Qoşa Təpə” gömrük postunda İrandan Azərbaycana gələn İran vətəndaşının idarə etdiyi avtobusun yüklərinə rentgen qurğusu ilə baxış keçirilib.

Dövlət Gömrük Komitəsinin mətbuat xidmətindən Trend-ə verilən məlumata görə, baxış zamanı həmin yüklərə daxil olan karton qutuda müxtəlif naməlum qarışıq predmetlər görünüb. Sonra həmin qutudakı əşyalar xidməti itin tətbiqi ilə təkrar yoxlanılıb.

Yoxlama nəticəsində xidməti it karton qutuda olan surətçıxarma qurğusunun katricinə reaksiya verib. Katricə baxış zamanı isə onun içərisindəki tozşəkilli boya olan boşluğundan 1 ədəd bağlamada, xalis çəkisi 315,970 qram təşkil edən narkotik vasitə - heroin aşkar olunub.

Faktla bağlı araşdırma aparılır.














Teref.az © 2015
TEREF - XOCANIN BLOQU günün siyasi və sosial hadisələrinə münasibət bildirən bir şəxsi BLOQDUR. Heç bir MEDİA statusuna və jurnalist hüquqlarına iddialı olmayan ictimai fəal olaraq hadisələrə şəxsi münasibətimizi bildirərərkən, sosial media məlumatlarındanda istifadə edirik! Nurəddin Xoca
Məlumat internet səhifələrində istifadə edildikdə müvafiq keçidin qoyulması mütləqdir.
E-mail: n_alp@mail.ru